Txikienek ere haientzako leku esklusiboa badute gure etxean. Txapitula-formako gela bat da, sabaian leiho handi bat du eta paretetan argiak, eguzkiak diruditenak. Paretetako bi arbela dira, eta jostailuak eta mozorroak ere badaude, haurrek primeran pasa dezaten. Bestetik, atetxo bat jarri dugu solairu horretako mailadian, etxeko txikienak eskaileretan behera eror ez daitezen.

Gazteen eta hain gazteak ez direnen ametsa. Hirugarren solairuan dagoen gela bat da, txapitula-formakoa. Sofa handi bat eta itsasontzi-oihal birziklatuzko puf erosoak daude; 65¨-ko telebista itzelean zure telesail gogokoenaren maratoi bat egiteko edo hainbeste gustatzen zaizun film klasiko hori eta kirol-emanaldiak ikusteko leku apropos-aproposa da. Interneterako konexioa du eta zure plataforma gogokoenera sar zaitezke edo kontsola eta bideojokoak ekar ditzakezu eta ahalik eta gehiena gozatu.